Messereglement – Bil- og båtmesse på Heimebane

Bil- og båtmesse på Heimebane vert arrangert i Ulsteinhallen, Ulsmohallen og Høddvollområdet i tidsrommet 19.- 20. juni 2021. Arrangør er IL Hødd Fotball.
Utstillaren pliktar å følgje dette reglementet og vert ertatningspliktig for all skade som skuldast han eller personar i han si teneste, faste eller tilfeldige som han har gitt tilgang til messelokalane. Det same gjeld skade forårsaka av gjenstander, innretningar, o.l. som utstillaren svarer for. Vidare er utstillaren ansvarleg for at han sjølv og personar i han si teneste, faste eller tilfeldige, kjenner til innhaldet i messereglementet, samt at oppbygging av stand, dekorering og verksemd er i tråd med myndigheitene, arrangøren sitt messereglement, og utstillaren sine særlege krav. Myndigheitene og arrangørens anvisningar må følgast nøye. I dei tilfella det er nødvendig, har arrangøren rett til å kople seg til husets faste innstallasjonar på den enkelte utstillar sin stand for levering til nabo stand.
Påmelding skal skje skriftleg via registreringsskjemaet på nettsida bilogbatmesse.no og påmeldinga er bindande.
Arrangør har rett til å avslutte registrering når disponibelt areal er nytta. Areal kan bli redusert etter nærare avtale med utstillar. Arrangør har vidare den endelege avgjersla m.h.t. fordeling av plassane.
Det vil bli sendt ut informasjon om tilvist plass til utstillarane i god tid før arrangementet tek til.
Betaling: Det vert sendt ut faktura på stand og annonsereklame 19. mai og med 15 dagars betalingsfrist. Dersom ikkje utsendt faktura blir betalt, kan det medføre tap av tildelt areal. Arrangør har i så fall rett til å disponere arealet.
Tekniske tenester: Det vises til vår nettside bilogbatmesse.no for registrering. Informasjon om arrangementet vert lagt ut løypande frå januar av og til arrangementet tek til i juni. Evt. bruk/ lån av teknisk utstyr vert fakturert i etterkant av arrangementet.
Ein kvar utstillar tek sjølve med eigen stand til arrangementet. Det er ikkje tillatt å dekke til meir enn 30% av kvar side på standen, utan arrangøren sitt samtykke. Sjå eige skriv om brannsikkerheit!
Berre produkt og tenester som er meldt inn til arrangøren kan bli presentert under arrangementet.
Kontantsal, ordremottak og kontraktslutninger er tillat under arrangementet.
Utdeling av vareprøver, bruk av høgtalarar, stemmeforsterkar, lydband, film o.l. må meldast inn til arrangøren. Vareprøver og reklamemateriell kan berre delast ut frå eigen stand.
Plakatar o.l. er ikkje tillat å sette opp utanfor eigen stand. Dette skal på førehand godkjennast av arrangør.
Kvar og ein av utstillarane er ansvarleg for skadar som han påfører bygningar, innreiingar og anlegg. Arrangørens instruksar skal følgast. Det er ikkje tillat å spikre, stifte el. i vegger eller i golv. Eventuell skade påført hallen eller bygninga av utstillaren, og som ikkje vert utbetra innan demonteringa sin slutt vil bli utbetra på utstillarens rekning.
Arrangøren tek ikkje på seg ansvar for utstilte varer og utstyr, utstillaren må sjølv dekke alle nødvendige forsikringar. Overnatting på messeområdet er ikkje tillat.
Utstillaren må sjølv sørge for all transport, utpakking, montasje, ned-pakking og fjerning av varer. Alt gods adressert til utstillarane må vere godt merka med namn og standnummer. Demontering av stand skal ikkje starte før arrangementet er slutt. Hødd Fotball har avgrensa moglegheit for å lagre utstillarmateriell utanom den tidsperioden som er satt av til messa. Evt. levering/ mottak av utstillarmateriell utover dette må avtalast med arrangøren i god tid før arrangementet tek til.
Hødd Fotball vil sette av plass til lagring av emballasje under arrangementet. Emballasjen må merkast godt. Det er ikkje tillatt å lagre emballasjen i hallane.
Leveringar til stand må av omsyn til publikum skje før messa blir opna for publikum. Under arrangementet (dvs. frå opning av arrangementet til demontering kan starte) er det forbode å fjerne utstilte gjenstandar eller dekorasjonseelemt frå området.
Kvar stand vil i utgangspunktet bli forsynt med 230V kontaktpunkt som ein kan fordele sjølve på sin standen. Utanom messa si opningstid er kraftforsyning til den enkelte sin stand normalt fråkopla. Er det ønskeleg å bestille ekstra uttak og kraftforsyning eller behov for kontinuerlig straum, så må arrangøren få beskjed om dette seinast to veker før arrangementet.
Køyring av bilar inne i Ulsteinhallen og Ulsmohallen skal berre gå føre seg etter avtale og på tilvist plass frå representantar av arrangementet. Det er av største betydning at alle følgjer rettleiinga frå arrangøren.
Arrangør sørger for reinhald av innandørs publikumsareal. Alle stand blir støvsugd etter montering og etter stengetid. Anna reinhald av stand må utstillar sjølv sørge for. Når utstillinga er demontert skal standen, inkl. vegger, blir forlate fri for dekorasjon, tape-rester og anna utstyr. Alt nødvendig oppryddingsarbeid eller skade på golv/ vegg er utstillaren sitt ansvar og vil derfor bli fakturert for dette i etterkant.
Wifi og internett tilknytning er fritt tilgjengeleg i Ulsteinhallen og passord vert delt ut til den enkelte utstillar. Etablering av eige trådlaust nett på standen/ i messeområdet må godkjennast av arrangør før dette kan tas i bruk.
Utstillarkort vert distribuert særskilt til kvar utstillar. Desse må utstillaren sjølv sørge for å fordele til sine underordna. Under montering og demontering av stand må personell som arbeidar på stand, uoppfordra vise gyldig utstillarkort ved inngang til messeområdet. Det er ikkje tillatt å distribuere kort til andre enn dei som har fått utdelt dette.
Det er gratis parkering ved stadion. Sjå eige kart for parkering her!
Av omsyn til allergikara er det ikkje tillatt å ta med kjæledyr i messeområdet.
Utstillarar og gjestar har ikkje anledning til å fotografere under arrangementet utan samtykke frå vedkomande utstillar. Arrangøren har rett til å fotografere, ta lydopptak, videoopptak av stands, produkt, presentasjonar av personar eller anna som representerer utstillaren, eller som utstillaren viser under utstillinga. Arrangøren har også rett til å fritt nytte bileter og opptak som nemnt i sin eigen marknadsføring, i informasjonsmateriell m.v.
All påmelding er binda til dette reglementet. Arrangørkomitéen avgjer ved bindande tvistar om forståing for reglementet.
Dersom arrangementet ikkje let seg gjennomføre, og av uforutsette årsaker (force majeure) må bli avlyst, kan ikkje arrangør bli heldt ansvarleg for evt. tap som utstillar måtte få som følge av dette. Innbetalt beløp vil bli tilbakebetalt med frådrag frå andel i evt. påførte omkostningar.