Brannsikkerheit

FRIE RØMMINGSVEGAR / GANGSONE

Det er ikkje tillate å bygge, plassere stands eller utstillingsmateriell utanfor tildelt standområde, og stand som har nødutgang i umiddelbar nærheit eller i tilknytning til standarealet. Standen må tilpassast slik at frie rømmingsvegar blir sikra. Gangsone i messeområdet vert innanfor krava på 1,9 meter.

BRANNFORSKRIFT

Nedanfor følgjer Brannvesenet sine bestemmelser som gjeld stands, paviljonger og dekorasjonar i messeanlegget:

1. Lett antennelege og ildsfarlege saker må ikkje oppbevarast eller nyttast i lokalet utan arrangøren sitt samtykke.
2. Sjølvantenneleg avfall skal berre oppbevarast på eige område ute. Det vert satt opp raud søppeldunk med lokk i dette området.
3. Røyking, bruk av ild og open flamme i lokala er forbode.
4. Det er ikkje tillate å oppbevare bensin på kanner eller fat i utstillingsområdet. Dette skal oppbevarast på eige området ute.
5. Det er ikkje lov å blokkere eller sperre nødutgangar.
6. Det er ikkje lov å blokkere eller sperre rømmingsvegar. I rømmingsvegane er det ikkje tillatt å henge opp plakat eller liknande som kan hindre fri sikt til nødutgangskilt.
7. Brannpostar skal vere lett tilgjengelege og synlege. Det er ikkje tillatt å dekke til eller blokkere desse postane. Brannpostar kan vere brannslanger, brannsløkningsapparat eller brannmeldarar. Brannslangen kan ikkje nyttast av utstillarar utan skriftleg godkjenning av arrangør. Utstillarane må ha med eige brannsløkningsapparat.
8. Det er ikkje tillate å røyke i messehallane og all bruk av open ild er til ei kvar tid forbode.

GASS / TRYKKFLASKER

Det er ikkje tillate med trykkbeholdar for kategori 1 og 2 gass (eks. propan, butan eller blandingar av desse), hydrogen, LNG (flytande naturgass), biogass, acetylen inne i hallane. Dette skal berre nyttast på eige område ute.